ფოლკე ბერნადოტის აკადემია
ფოლკე ბერნადოტის აკადემია (FBA) შვედეთის სამთავრობო სააგენტოა, რომელიც მუშაობს მშვიდობის, უსაფრთხოების და განვითარების თემებზე. აკადემიის მისიაა, დაეხმაროს მსოფლიოში მშვიდობის მშენებლობას და კრიზისების გადაწყვეტას. უსაფრთხოების სექტორის რეფორმაში აკადემიის მონაწილეობა მოიცავს სხვადასხვა საქმიანობას, მათ შორის:
- პოლიტიკის შემუშავება, კვლევა და განვითარება
აკადემია ხელს უწყობს ევროკავშირის, გაეროს და ეუთოს საქმიანობას უსაფრთხოების სექტორის რეფორმის პოლიტიკის შემუშავებაში. აკადემიამ შექმნა უსაფრთხოების სექტორის რეფორმის საჭიროებათა კვლევის ინსტრუმენტი და სახელმძღვანელო უსაფრთხოების სექტორის რეფორმის ექსპერტებისთვის. ამასთან, აკადემია ხელს უწყობს საერთაშორისო კვლევებს უსაფრთხოების სექტორის რეფორმის საკითხებზე. - ტრენინგი
აკადემია ატარებს ყოველწლიურ უსაფრთხოების სექტორის რეფორმის კურსს და სხვა კურსებს ევროპული უსაფრთხოების და თავდაცვის კოლეჯთან თანამშრომლობით. - საქმიანობა საერთაშორისო არენაზე
აკადემია მიავლენს უსაფრთხოების სექტორის რეფორმის ექსპერტებს საერთაშორისო სამშვიდობო მისიებში. - თანამშრომლობა
აკადემია კოორდინაციას უწევს შვედეთში უსაფრთხოების სექტორის რეფორმის საკითხებზე მომუშავე სახელმწიფო სააგენტოების საქმიანობას და წარმოადგენს შევდეთს უსაფრთხოების სექტორის საერთაშორისო ექსპერტთა საბჭოში (ISSAT).
მეტი ინფორმაციისთვის
ეწვიეთ საიტს
გაეროს სააგენტთაშორისი სამუშაო ჯგუფი უსაფრთხოების სექტორის რეფორმის საკითხებზე
გაეროს სამუშაო ჯგუფი აერთიანებს გაეროს ყველა სააგენტოს, რომელიც მუშაობს უსაფრთხოების სექტორის მართვის საკითხებზე. სამუშაო ჯგუფი შექმნა გაეროს გენერალურმა მდივანმა 2007 წელს უსაფრთხოების სექტორის რეფორმის კომპლექსური და შეთანხმებული მიდგომის შემუშავების მიზნით, რომელიც უზრუნველყოფს ქვეყნების და საზოგადოებების მხარდაჭერას ეფექტური, ინკლუზიური და ანგარიშვალდებული უსაფრთხოების ინსტიტუტების შექმნას და მსოფლიოში მშვიდობის და უსაფრთხოების, მდგრადი განვითარების და ადამიანის უფლებების დაცვის ხელშეწყობას.
მეტი ინფორმაციისთვის
ეწვიეთ საიტს
გაეროს სამშვიდობო ოპერაციების დეპარტამენტი
გაეროს სამშვიდობო ოპერაციების დეპარტამენტი (DPKO) ეხმარება უსაფრთხოების სექტორის ცალკეული კომპონენტების, კერძოდ პოლიციის სამსახურების, რეფორმას, უკვე ათეული წლებია.
2007 წლიდან დეპარტამენტის მხარდაჭერა სტრატეგიულ დონეზე გადავიდა და მოიცვა სხვა კომპონენტებიც.
DPKO-ს უსაფრთხოების სექტორის რეფორმის განყოფილება (SSRU), რომელიც კანონის უზენაესობის და უსაფრთხოების ინსტიტუტების ოფისის ნაწილია, გაეროს სისტემისთვის და ეროვნული და საერთაშორისო პარტნიორებისთვის ძირითადი მეკავშირე და ტექნიკური შესაძლებლობების მომწოდებელია უსაფრთხოების სექტორის რეფორმის საკითხებზე. განყოფილების საქმიანობა მოიცავს:
- უსაფრთხოების სექტორის რეფორმის მხარდაჭერაში ჩართული სამშვიდობო ოპერაციების პოლიტიკური, სტრატეგიული და ტექნიკური დახმარების უზრუნველყოფას;
- გაეროს ხელმძღავნელობის მხარდაჭერას გაეროს საქმინაობაში უსაფრთხოების სექტორის რეფორმების ინტეგრირების უზრუნველყოფაში;
- მაღალკვალიფიციური ცენტრის როლის შესრულებას გლობალურ დონეზე, რომელიც შეიმუშავებს ორიენტირებს და საერთაშორისო ნორმებს;
- გაეროს მხარდაჭერას უსაფრთხოების სექტორის რეფორმის განსახორციელებლად პარტნიორების მოძიებაში.
მეტი ინფორმაციისთვის
ეწვიეთ საიტს
OSCE Polis
OSCE Polis ციფრული ბიბლიოთეკაა, რომელიც თავს უყრის საზღვრის უსაფრთხოების, კონტრტერორიზმის, კიბერუსაფრთხოების, პოლიციის და ზოგადად, სამართალდაცვის შესახებ ინფორმაციას, OSCE Polis შეიქმნა ეუთოს საერთაშორისო ოფისების თანამშრომლების დასახმარებლად, რომლებიც ჩართული არიან სამართალდაცვის საქმიანობაში. ბიბლიოთეკა მოიცავს:
- საინფორმაციო რესურსებს — ინფორმაციას ეუთოს მიერ განხორციელებული ან ამჟამად მიმდინარე საქმიანობის შესახებ საერთაშორისო ოპერაციებში;
- ექსპერტების მონაცემთა ბაზას — საერთაშორისო ექსპერტების მონაცემებს;
- დაგეგმილი აქტივობების კალენდარს.
POLIS რესურს ცენტრია პოლიციისთვის, სამართალდამცავებისთვის, ანალიტიკოსებისთვის, ექსპერტების და დონორებისთვის.
მეტი ინფორმაციისთვის
ეწვიეთ საიტს
გამჭვირვალობის და ანგარიშვალდებულების ინიციატივა
გამჭვირვალობის და ანგარიშვალდებულების ინიციატივა დონორების გაერთიანებაა, რომელიც მხარს უჭერს გამჭვირვალობას, ანგარიშვალდებულებას და მონაწილეობას.
მეტი ინფორმაციისთვის
ეწვიეთ საიტს
საპარლამენტო ზედამხედველობა უსაფრთხოების სექტორში
პარლამენტს გადამწყვეტი როლი ენიჭება უსაფრთხოების სექტორში კარგი მმართველობის დანერგვაში და გამჭვირვალე და ანგარიშვალდებული საზოგადოებრივი უსაფრთხოების უზრუნველყოფაში. ეს სახელმძღვანელო შედგება რვა ნაწილისგან. სახელმძღვანელოს ჩანართებში განმარტებულია ძირითად ტექსტში მოცემული რთულ საკითხები, წარმოდგენილია კანონების და რეგულაციების ნიმუშები და სხვადასხვა ქვეყნის უსაფრთხოების სექტორის საპარლამენტო ზედამხედველობის მაგალითები. თითოეული თავი მთავრდება სექციით, რომელსაც ჰქვია „რას აკეთებ როგორც პარლამენტარი”, სადაც მოცემულია კონკრეტული რეკომენდაციები, რომლებიც უნდა შესრულდეს ეროვნულ დონეზე.
უსაფრთხოების სექტორის საზოგადოებრივი კონტროლი: სახელმძღვანელო სამოქალაქო საზოგადოების ორგანიზაციებისთვის
ეს სახელმძღვანელო ინსტრუქციათა კრებულია სამოქალაქო საზოგადოების ორგანიზაციებისთვის იმ როლის შესახებ, რომელიც მათ შეუძლიათ შეასრულონ უსაფრთხოების სექტორის დემოკრატიულ კონტროლში. მართალია, ბევრმა სამოქალაქო ორგანიზაციამ ხელი შეუწყო უსაფრთხოების სექტორის რეფორმას გარდამავალ და პოსტ-კონფლიქტურ ქვეყნებში, მათი პოტენციალი ჯერ კიდევ გამოუყენებელი რჩება. ასევე ხანდახან ნაკლები ყურადღება ენიჭება სამოქალაქო ორგანიზაციების გრძელვადიან როლს უსაფრთხოების სექტორის დემოკრატიულ მართვაში როგორც განვითარებულ, ისე განვითარებად ქვეყნებში. სახელმძღვანელო ძირითადად გამიზნულია სამოქალაქო საზოგადოების და არასამთავრობო ორგანიზაციებისთვის. გამოცემა ასევე სასარგებლოა დემოკრატიული ინსტიტუტების, პოლიტიკის მკვლევარების, უსაფრთხოების სექტორის ინსტიტუტების, მედიის, და საერთაშორისო ორგანიზაციებისთვის, რომლებიც თანამშრომლობენ უსაფრთხოების სექტორის მართვის საკითხებზე სამოქალაქო საზოგადოებასთან.
მეტი ინფორმაციისთვის
ჩამოტვირთეთ დოკუმენტი ინგ
ზოგადი ტექნიკური ინსტრუქციები უსაფრთხოების სექტორის რეფორმის საკითხებზე
ეს ინსტრუქციები საჭირო ინსტრუმენტია მათთვის, ვისაც აინტერესებს უსაფრთხოების სექტორის რეფორმა და სექტორის დემოკრატიული მართვა. ინსტრუქციების მიზანია, ხელი შეუწყოს „გაეროს ერთიანი მიდგომის“ ჩამოყალიბებას უსაფრთხოების სექტორის რეფორმისადმი ეროვნულ დონეზე.
მეტი ინფორმაციისთვის
ჩამოტვირთეთ დოკუმენტი ინგ
როგორ გავხადოთ დაზვერვა ანგარიშვალდებული: სამართლებრივი სტანდარტები და პრაქტიკა დაზვერვის სააგენტოების ზედამხედველობისთვის
გამოცემაში კლასიფიცირებული და შეფასებულია სამართლებრივი სტანდარტები დაზვერვის სამსახურების დემოკრატიული ანგარიშვალდებულების საკითხებზე. მასში მოყვანილია საუკეთესო პრაქტიკის მაგალითები და წარმოდგენილია რეკომენდაციები, რომლებიც შესაფერისია როგორც გარდამავალი ქვეყნებისთვის, ასევე კარგად განვითარებული დემოკრატიებისთვის.
დაზვერვის სამსახურების ზედამხედველობა: რჩევათა კრებული
DCAF-ის რჩევათა კრებული დაზვერვის სამსახურების ზედამხედველობის საკითხებზე ინსტრუმენტების კრებულია, რომელშიც ინფორმაციას ისეთი დამოუკიდებელი ორგანოების შექმნის და გაძლიერების საკითხებზე, რომლებიც ზედამხედველობას გაუწევენ ეროვნული უსაფრთხოების საკითხებზე ინფორმაციის შეგროვებაში, ანალიზში, წარმოდგენასა და გავრცელებაში ჩართულ სახელმწიფო ორგანოებს.
ტრენინგის მასალები პოლიციის კეთილსინდისიერების საკითხებზე
პოლიციის კეთილსინდისიერების შესახებ ტრენინგის მასალები გამიზნულია შინაგან საქმეთა სამინისტროს, საპოლიციო უწყებების და ტრენინგ ორგანიზაციებისთვის. სახელმძღვანელო წარმოადგენს რჩევებს, თუ როგორ შეიძლება ორგანიზაციის დონეზე კეთილსინდისიერების განმტკიცება ადამიანური რესურსების დაგეგმვით/მართვით და რეფორმების გატარებით.
მეტი ინფორმაციისთვის
ჩამოტვირთეთ დოკუმენტი ინგ
რჩევათა კრებული პოლიციის კეთილსინდისიერების შესახებ
პოლიციის კეთილსინდისიერების შესახებ რჩევათა კრებული დაეხმარება პოლიციის სამსახურებს ეფექტური ზომების შემუშავებაში პოლიციაში კორუფციის შესამცირებლად, დანაშაულის წინააღმდეგ ბრძოლის გასაუმჯობესებლად, კანონის უზენაესობის განსამტკიცებლად და პოლიციის ნდობის ასამაღლებლად. კრებულში მიმოხილულია მთელი რიგი თემები, როგორიცაა კორუფცია, ეთიკური საკითხები, შიდა კონტროლი, გარე ზედამხედველობა/კონტროლი და უნარ-ჩვევების გაუმჯობესება.
უსაფრთხოების სექტორის კანონმდებლობა: პოლიციის ეთიკის ევროპული კოდექსი
კრებულში წარმოდგენილია პოლიციის ეთიკის ევროპული კოდექსი, რომელსაც თან ახლავს კომენტარები და რეკომენდაციები. კოდექსი, ეუთოს დემოკრატიული პოლიციის შესახებ სახელმძღვანელოსთან და საერთაშორისო ამნისტიის სახელმძღვანელოსთან „ადამიანის უფლებების 10 ძირითადი სტანდარტი სამართალდამცველებისთვის“ ერთად, ქმნის დემოკრატიული პოლიციის საერთაშორისო ნორმების და სტანდარტების ძირითად ჩარჩოს.
მეტი ინფორმაციისთვის
ჩამოტვირთეთ დოკუმენტი ინგ
უსაფრთხოების სექტორის კანონმდებლობა: ადამიანის უფლებების 10 ძირითადი სტანდარტი სამართადამცველებისთვის
ადამიანის უფლებების ეს 10 ბაზისური სტანდარტი შეიმუშავა საერთაშორისო ამნისტიამ სხვადასხვა ქვეყნების პოლიციის ოფიცრებსა და ექსპერტებთან ერთად. ისინი ეფუძნება გაეროს სამართალდაცვის, სისხლის სამართლის და ადამიანის უფლებების სტანდარტებს. ეს დოკუმენტი მიზნად ისახავს მთავრობის მოხელეების, პარლამენტარების, ჟურნალისტების და არასამთავრობო ორგანიზაციების ცნობიერების ამაღლებას ზოგიერთი ფუნდამენტური სტანდარტის შესახებ. ეს სტანდარტები უნდა იყოს პოლიციის ნებისმიერი ტრენინგის ნაწილი და საფუძვლად უნდა დაედოს მათ საქმიანობას.
მეტი ინფორმაციისთვის
ჩამოტვირთეთ დოკუმენტი ინგ
უსაფრთხოების სექტორის კანონმდებლობა: დემოკრატიული პოლიციის საერთაშორისო სტანდარტების გზამკვლევი
გზამკვლევში მოცემულია დემოკრატიული პოლიციის საერთაშორისო სტანდარტები და პრინციპები. გზამკვლევი შექმნილია ეუთოს თანამშრომლებისთვის, რომლებიც თავიანთ საქმიანობაში ეხებიან პოლიციის და სამართალდაცვის საკითხებს, ასევე საპოლიციო სფეროს სპეციალისტების და პოლიტიკის შემქმნელებისთვის, რომლებიც მუშაობენ დემოკრატიული პოლიციის შექმნის და გაძლიერების საკითხებზე.
მეტი ინფორმაციისთვის
ჩამოტვირთეთ დოკუმენტი ინგ
უსაფრთხოების სექტორის კანონმდებლობა: პოლიციის კანონის მოდელი - შვედეთის საკანონმდებლო აქტი პოლიციის შესახებ
კრებულში მოცემულია შვედეთის პოლიციის აქტი თავდაპირველი სახით და ასევე მისი დებულებები, რომლებიც ორგანიზებულია თემების მიხედვით. ეს საშუალებას აძლევს კანონშემოქმედებს, მოიძიონ კონკრეტული საკითხები, რომლებსაც უნდა შეიცავდეს ასეთი კანონები და შეადარონ ერთმანეთს კანონების სხვადასხვა მოდელები.
მეტი ინფორმაციისთვის
ჩამოტვირთეთ დოკუმენტი ინგ
უსაფრთხოების სექტორის კანონმდებლობა: პოლიციის კანონის მოდელი - იაპონიის პოლიციის კანონის და პოლიციის მოვალეობის აღსრულების კანონი
კრებულში მოცემულია იაპონიის პოლიციის კანონი თავდაპირველი სახით და ასევე მისი დებულებები, რომლებიც ორგანიზებულია თემების მიხედვით. ეს საშუალებას აძლევს კანონშემოქმედებს, მოიძიონ კონკრეტული საკითხები, რომლებსაც უნდა შეიცავდეს ასეთი კანონები და შეადარონ ერთმანეთს კანონების სხვადასხვა მოდელები.
მეტი ინფორმაციისთვის
ჩამოტვირთეთ დოკუმენტი ინგ
უსაფრთხოების სექტორის კანონმდებლობა: სამხრეთ აფრიკის რესპუბლიკის პოლიციის კანონმდებლობის მოდელი: სამხრეთ აფრიკის პოლიციის სამსახურის საკანონმდებლო აქტი 68, 1995
კრებულში მოცემულია სამხრეთ აფრიკის პოლიციის კანონი თავდაპირველი სახით და ასევე მისი დებულებები, რომლებიც ორგანიზებულია თემების მიხედვით. ეს საშუალებას აძლევს კანონშემოქმედებს, მოიძიონ კონკრეტული საკითხები, რომლებსაც უნდა შეიცავდეს ასეთი კანონები და შეადარონ ერთმანეთს კანონების სხვადასხვა მოდელები.
მეტი ინფორმაციისთვის
ჩამოტვირთეთ დოკუმენტი ინგ
ადამიანის უფლებების საერთაშორისო სტანდარტები სამართალდამცავ სექტორში: ჯიბის წიგნაკი ადამიანის უფლებების შესახებ პოლიციისთვის
“ჯიბის წიგნი“ დემოკრატიულ საზოგადოებაში პოლიციის სასიცოცლო ფუნქციების კანონიერ და ადამიანურ აღსრულებაზე ორიენტირებული პოლიციისთვის ადვილად ხელმისაწვდომი და პორტაბელური რესურსია. ჯიბის წიგნაკი შეიცავს სამასზე მეტი საერთაშორისო წყაროდან აღებულ ასეულობით რელევანტურ სტანდარტს, რომლებიც წარმოდგენილია მოკლედ და გამარტივებული ენით.
მეტი ინფორმაციისთვის
ჩამოტვირთეთ დოკუმენტი ინგ
უსაფრთხოების სექტორის კანონმდებლობა: უსაფრთხოების სექტორში ფინანსური ზედამხედველობის საერთაშორისო სტანდარატები
კრებული წარმოუდგენს მკითხველს უსაფრთხოების სექტორის ინსტიტუტების ფინანსური ზედამხედველობის საერთაშორისო სახელმძღვანელო პრინციპებს, სტანდარტებს და საუკეთესო გამოცდილებას. კრებული საშუალებას აძლევს მკითხველს:
- გაეცნოს უსაფრთხოების სექტორში ბიუჯეტირების და აუდიტის საერთაშორისო სტანდარტებს
- შეადაროს თავის ქვეყანაში მიღებული პრაქტიკა და რეგულაციები საერთაშორისო პრინციპებს
- საერთაშორისო სტანდარტებზე დაყრდნობით, შესთავაზოს პოლიტიკურ ხელმძღვანელობას და პარლამენტარებს ფინანსური ზედამხედველობის სისტემის რეფორმირება
- მონიტორინგი გაუწიოს და შეაფასოს ფინანსური ანგარიშგების ინტიტუტების მუშაობა საუკეთესო საერთაშორისო გამოცდილების კონტექსტში.
მეტი ინფორმაციისთვის
ჩამოტვირთეთ დოკუმენტი ინგ
უსაფრთხოების სექტორის კანონმდებლობა: დაზვერვის ზედამხედველობის გააზრება
სახელმძღვანელო განიხილავს, თუ როგორ მართავენ დემოკრატიული სახელმწიფოები დაზვერვის სამსახურებს, რათა ეს სამსახურები:
- ეფექტურად ემსახურებოდნენ სახელმწიფოს და მისი მოსახლეობის უსაფრთხოებას
- ექვემდებარებოდნენ დემოკრატიულ კონტროლს
- ანგარიშვალდებული იყვნენ მოსახლეობის მიმართ, და
- იცავდნენ კანონის უზენაესობას და ადამიანის უფლებებს.
სახელმძღვანელოში წარმოდგენილია მოკლე და მარტივი პასუხები დაზვერვის სამსახურების და მათი ზედამხედველობის შესახებ ხშირად დასმულ შეკითხვებზე.
მეტი ინფორმაციისთვის
ჩამოტვირთეთ დოკუმენტი ინგ
უსაფრთხოების სექტორის კანონმდებლობა: საუკეთესო გამოცდილების მაგალითები დაზვერვის სააგენტოების და მათი ზედამხედველობისთვის
კრებულში წარმოდგენილია სამართლებრივი და ინსტიტუციური მექანიზმები, რომლებიც უზრუნველყოფს, რომ დაზვერვის სამსახურებში დაცული იყოს ადამიანის უფლებები. კრებულში ასევე წარმოდგენილია საერთაშორისო სტანდარტები დაზვერვის სამსახურებისთვის.
მეტი ინფორმაციისთვის
ჩამოტვირთეთ დოკუმენტი ინგ
ზედამხედველობა და ხელმძღვანელობა: პარლამენტი და უსაფრთხოების სექტორის მართვა
DCAF-NATO PA-ს სახელმძღვანელოს ეს მესამე გამოცემა ყურადღებას ამახვილებს უსაფრთხოების სექტორის დემოკრატიულ კონტროლში პარლამენტარების როლზე. სახელმძღვანელო გვთავაზობს განახლებულ ინფორმაციას უსაფრთხოების სექტორის საპარლამენტო ზედამხედველობაში საუკეთესო პრაქტიკის შესახებ. პუბლიკაცია განსაკუთრებულ ადგილს უთმობს თავდაცვის საკითხებს და პარლამენტის საზედამხედველო როლს პოლიტიკურ და სამხედრო კონტექსტებში. პუბლიკაცია შექმნილია ნატოს პარტნიორი ქვეყნების დემოკრატიული ინსტიტუტებისთვის და წარმოადგენს შესავალს უსაფრთხოების სექტორის რეფორმის ყოვლისმომცველი პრინციპების, ძირითადი საზედამხედველო მექანიზმების და საუკეთესო პრაქტიკის მიმოხილვას.
მეტი ინფორმაციისთვის
ჩამოტვირთეთ დოკუმენტი ინგ
უსაფრთხოების სექტორის საპარლამენტო ზედამხედველობა
ეს მოხსენება წარმოადგენს საპარლამენტო დემოკრატიის მხარდაჭერის ოფისის (OPPD) საპარლამენტო პრაქტიკის შესახებ პუბლიკაციების ციკლის გაგრძელებას. პუბლიკაციის მიზანია იმ ძირითადი საკითხების განხილვა, რომლებიც ზეგავლენას ახდენენ უსაფრთხოების სექტორის საპარლამენტო ზედამხედველობაზე და ზოგადად სექტორის დემოკრატიულ მართვაზე ახალ დემოკრატიულ ქვეყნებში.
მეტი ინფორმაციისთვის
ჩამოტვირთეთ დოკუმენტი ინგ
უსაფრთხოების სექტორის ფინანსური კონტროლი - რჩევათა კრებული ტრენერებისთვის
რჩევათა კრებული გამიზნულია მათთვის, ვინც დაკავებულია ფინანსური კონტროლის საკითხებით და ვისაც სურს:
- გაეცნონ უსაფრთხოების სექტორში ფინანსური კონტროლის საუკეთესო საერთაშორისო გამოცდილებას
- აიმაღლონ პროფესიული უნარები უსაფრთხოების სექტორის ინსტიტუტების ფინანსურ კონტროლში
- უფრო პროაქტიურად მიუდგნენ უსაფრთხოების სექტორის ინსტიტუტების ფინანსური კონტროლის საკითხს
- აიმაღლონ პროფესიონალიზმი უსაფრთხოების სექტორის ინსტიტუტების ფინანსური ოპერაციების და მათი ბიუჯეტების დეტალური შესწავლის საქმეში.
მეტი ინფორმაციისთვის
ჩამოტვირთეთ დოკუმენტი ინგ
მოხსენება ეროვნული უსაფრთხოების სამსახურების დემოკრატიულ და ეფექტურ ზედამხედველობაზე
მოხსენებაში განხილულია სახელმწიფო ორგანოების, მათ შორის, ავტონომიური სააგენტოების და სხვა სამთავრობო ორგანოების ან შეიარაღებული ძალების დეპარტამენტების, ზედამხედველობა, რომელთა მანდატში შედის ქვეყნის ფარგლებში ეროვნული უსაფრთხოების და ეროვნული ინტერესების საკითხებზე ინფორმაციის შეგროვება, ანალიზი და მიწოდება გადაწყვეტილებების მიმღებებისთვის - პოლიტიკოსების, სამხედრო ხელმძღვანელების, პოლიციის გამომძიებლების და სასაზღვრო დაცვის/საბაჟო სააგენტოებისთვის.
კეთილსინდისიერების განმტკიცება და კორუფციის შემცირება თავდაცვის სფეროში: საუკეთესო გამოცდილების მაგალითები
ეს კრებული ერთობლივად შეადგინეს საერთაშორისო გამჭვირვალობამ (ბრიტანეთი), ნატოს მშვიდობის პროგრამის გუნდმა და DCAF-მა. კრებული ყურადღებას ამახვილებს იმ ცნებებზე და ინსტრუმენტებზე, რომლებიც უზრუნველყოფს საუკეთესო პრაქტიკას თავდაცვის მართვასა და პოლიტიკაში „კეთილსინდისიერების განმტკიცების“ გზით. ეს ცნობარი ასევე სასარგებლო შეიძლება იყოს თავდაცვის პერსონალის და თავდაცვის სექტორში დასაქმებული სამოქალაქო პირებისთვის, დემოკრატიული ინსტიტუტების და სამოქალაქო საზოგადოებისთვის, რადგან მასში წარმოდგენილი მასალები კეთილსინდისიერების განმტკიცების და ანტიკორუფციული ზომების შესახებ მნიშვნელოვანია ამ აქტორების უსაფრთხოების მართვისთვისაც.
სახელმძღვანელო ბიზნესში ანტიკორუფციული ეთიკის და შესაბამისობის საკითხებზე
სახელმძღვანელო სასარგებლო და პრაქტიკული ინსტრუმენტია კომპანიებისთვის, რომლებსაც სურთ, ერთიანად და მარტივად მოიძიონ რჩევები შესაბამისობის საკითხებზე. სახელმძღვანელო მოიცავს სამ ნაწილს, რომელთაგან პირველში მიმოხილულია საერთაშორისო ანტიკორუფციული ჩარჩო, რომელშიც უნდა ოპერირებდნენ საერთაშორისო ბიზნესში ჩართული კომპანიები. მეორე ნაწილი მოკლე შესავალია, თუ როგორ უნდა შეაფასონ კომპანიებმა რისკი და დაიწყონ ეფექტური ანტიკორუფციული და შესაბამისობის პროგრამის შემუშავება. მესამე ნაწილში შეჯამებულია ყველაზე მნიშვნელოვანი ინსტრუმენტები.
მეტი ინფორმაციისთვის
ჩამოტვირთეთ დოკუმენტი ინგ
საუკეთესო პრაქტიკაზე დაფუძნებული რჩევები შიდა კონტროლის, ეთიკის და შესაბამისობის საკითხებზე
სახელმძღვანელო მომზადებულია კომპანიებისთვის, რომლებსაც სურთ, დანერგონ ეფექტური შიდა კონტროლის, ეთიკის და შესაბამისობის პროგრამები და მათი ინიცირებით გააუმჯობესონ საერთაშორისო ბიზნეს ტრანზაქციებში მონაწილე უცხოელი სახელმწიფო მაღალჩინოსნების მექრთამეობის პრევენცია და დეტექცია. სახელმძღვანელო ასევე შეიძლება გამოიყენონ ბიზნეს ორგანიზაციებმა და პროფესიულმა ასოციაციებმა, რომლებიც ეხმარებიან კომპანიებს. პუბლიკაცია რჩევათა კრებულია, რომელიც ეხმარება კომპანიებს, დანერგონ ეფექტური შიდა კონტროლის, ეთიკის, და შესაბამისობის პროგრამები და ზომები საერთაშორისო მექრთამეობის პრევენციის და დეტექციისთვის.
მეტი ინფორმაციისთვის
ჩამოტვირთეთ დოკუმენტი ინგ
OECD-ის ლექსიკონები: კორუფცია - სისხლის სამართლის კანონმდებლობის საერთაშორისო სტანდარტების ლექსიკონი
ლექსიკონი განმარტავს ძირითად ელემენტებს, რომელთა საფუძველზე ხდება კორუფციის სისხლის სამართლის ქმედებად კვალიფიცირება სამი ძირითადი საერთაშორისო კონვენციის შესაბამისად. ეს კონვენციებია: OECD-ის კონვენცია საერთაშორისო ბიზნეს ტრანზაქციებში უცხოელი სახელმწიფო მოხელეების მექრთამეობასთან ბრძოლის შესახებ; ევროსაბჭოს სისხლის სამართლის კანონმდებლობის კონვენცია კორუფციის შესახებ; და გაეროს კონვენცია კორუფციის წინააღმდეგ. ლექსიკონის მიზანია, დაეხმაროს OECD-ის აღმოსავლეთ ევროპის და ცენტრალური აზიის ანტიკორუფციულ ქსელში შემავალ ქვეყნებს თავიანთ ძალისხმევაში, გარდაქმნან ეროვნული ანტიკორუფციული სისხლის სამართლის კანონმდებლობა აღნიშნული კონვენციების შესაბამისად.
მეტი ინფორმაციისთვის
ჩამოტვირთეთ დოკუმენტი ინგ
ანტიკორუფციული უწყების სტანდარტები
დოკუმენტში მოცემულია 10 წარმმართველი პრინციპი და პარამეტრი ანტიკორუფციული ორგანოების დამოუკიდებლობის ცნების შესახებ. ეს პრინციპები და სტანდარტები არ არის სამართლებრივად სავალდებულო, არამედ უფრო ორიენტირია ორგანიზაციებისთვის.
მეტი ინფორმაციისთვის
ჩამოტვირთეთ დოკუმენტი ინგ
ეუთოს კორუფციასთან ბრძოლის სახელმძღვანელო
სახელმძღვანელო გვთავაზობს არსებულ სამართლებრივ ინსტრუმენტებს, სამართლებრივ და პოლიტიკის საკითხებში ახალ ტენდენციებს, კორუფციის პრევენციის და აღკვეთის ზომებს და პრაქტიკულ გამოცდილებას. სახელმძღვანელოს მიზანია ქვეყნებში პოლიტიკის კურსის შემქმნელების და ანტიკორუფციული სააგენტოების ინფორმირება მთელი რიგი საერთაშორისო ინსტრუმენტების შესახებ.
მეტი ინფორმაციისთვის
ჩამოტვირთეთ დოკუმენტი ინგ
ეუთოს რჩევათა კრებული ეუთოს პერსონალისთვის უსაფრთხოების სექტორის მართვის და რეფორმის საკითხებზე
რჩევათა კრებული სთავაზობს ეუთოს პერსონალს რჩევებს უსაფრთხოების სექტორის მართვის და რეფორმისადმი კომპლექსურ მიდგომის დანერგვის მიზნით. ამ მიდგომის მიზანია, დაბალშედეგიანი ფრაგმენტული მხარდაჭერიდან მრავალმხრივ სინერგიებზე გადასვლა.
მეტი ინფორმაციისთვის
ჩამოტვირთეთ დოკუმენტი ინგ
სამხედრო ომბუდსმენის ინსტიტუტების საერთაშორისო კონფერენცია (ICOAF)
.jpg)
კონფერენციის მიზანია სამხედრო ომბუდსმენის ინსტიტუტის მანდატთან დაკავშირებული საუკეთესო პრაქტიკის დამკვიდრება და გამოცდილების გაზიარება. ინიციატივაში წარმოდგენილი არიან ისეთი ქვეყნებიც, რომლებსაც არ აქვთ სამხედრო ომბუდსმენის ინსტიტუტი, მაგრამ დაინტერესებული არიან სხვა ქვეყნების გამოცდილებით.
მეტი ინფორმაციისთვის
ეწვიეთ საიტს
უსაფრთხოების სექტორის კანონმდებლობა: საკანონმდებლო აქტი კანადის უსაფრთხოების და დაზვერვის სამსახურის შესახებ
კრებულში მოცემულია კანადის უსაფრთხოების და დაზვერვის სამსახურის საკანონმდებლო აქტი თავდაპირველი სახით, აგრეთვე ამავე კანონის თემებად ორგანიზებული დებულებები. ეს საშუალებას აძლევს კანონშემოქმედებს, მოიძიონ კონკრეტული საკითხები, რომლებსაც უნდა შეიცავდეს ასეთი კანონები და შეადარონ ერთმანეთს კანონების სხვადასხვა მოდელები.
მეტი ინფორმაციისთვის
ჩამოტვირთეთ დოკუმენტი ინგ
უსაფრთხოების სექტორის კანონმდებლობა: საკანონმდებლო აქტი ნიდერლანდების დაზვერვის და უსაფრთხოების სამსახურების შესახებ
კრებულში მოცემულია ჰოლანდიის უსაფრთხოების და დაზვერვის სამსახურის აქტი თავდაპირველი სახით და ასევე მისი დებულებები, რომლებიც ორგანიზებულია თემების მიხედვით. ეს საშუალებას აძლევს კანონშემოქმედებს, მოიძიონ კონკრეტული საკითხები, რომლებსაც უნდა შეიცავდეს ასეთი კანონები და შეადარონ ერთმანეთს კანონების სხვადასხვა მოდელები.
მეტი ინფორმაციისთვის
ჩამოტვირთეთ დოკუმენტი ინგ
უსაფრთხოების სექტორის კანონმდებლობა: არგენტინის ეროვნული დაზვერვის კანონი
კრებულში მოცემულია არგენტინის 2001 წლის ეროვნული დაზვერვის კანონი და 2002 წლის ეროვნული დაზვერვის აქტი თავდაპირველი სახით და აგრეთვე ამავე კანონის თემებად ორგანიზებული დებულებები. ეს საშუალებას აძლევს კანონშემოქმედებს, მოიძიონ კონკრეტული საკითხები, რომლებსაც უნდა შეიცავდეს ასეთი კანონები და შეადარონ ერთმანეთს კანონების სხვადასხვა მოდელები.
მეტი ინფორმაციისთვის
ჩამოტვირთეთ დოკუმენტი ინგ
რჩევათა კრებული უსაფრთხოების სექტორისთვის
რჩევათა კრებული მოიცავს რამდენიმე ბუკლეტს, რომლებშიც წარმოდგენილია ნორმები და სტანდარტები, და უსაფრთხოების სექტორის კანონების ნიმუშები და რჩევები. რჩევათა კრებული შექმნილია მათთვის, ვინც აპირებს უსაფრთხოების სექტორის კანონმდებლობის შემუშავებას, მაგალითად, პარლამენტის დეპუტატები, საჯარო მოხელეები, იურისტები და არასამთავრობო ორგანიზაციები. რჩევათა კრებული ასევე დაეხმარება უსაფრთხოების სექტორის თანამშრომლებს და უსაფრთხოების სექტორის კანონმდებლობით დაინტერესებულ მკვლევარებს და სტუდენტებს.
მეტი ინფორმაციისთვის
ეწვიეთ საიტს
კანონის უზენაესობა, სამართლიანობა, უსაფრთხოება და ადამიანის უფლებები
გაეროს ეს ვებ-პორტალი შეიცავს ინფორმაციას კანონის უზენაესობის და ადამიანის უფლებების დაცვის სფეროში გაეროს საქმიანობის შესახებ. პორტალი ასევე შეიცავს უსაფრთხოების სექტორის მმართველობის შესახებ მასალების სასარგებლო ბმულებს.
მეტი ინფორმაციისთვის
ეწვიეთ საიტს